Sihana, the man who claimed to be the third son of King Sihanouk and Queen Monineath (Photo: Koh Santepheap) |
Synopsis: The Kandal province authority arrested a man by the name of Sihana who came to register for the upcoming election. The man showed a birth certificate indicating that he was born on 5 November 1981 in Dangkao district, Phnom Penh city. His father name is Norodom Sihanouk who was born on 10 March 1912 in Phnom Penh, his mother's name is Monineath, a French citizen born on 06 September 1936 in Subuya department, Cabigna district, France. The authority arrested him because it appeared that his birth certificate was fake.
KI-Media Note: Any parents in Beijing who lost their son, please come and collect him at the police station before he is sent to rot in Prey Sar! Don't say we didn't tell you!
បុរសម្នាក់តាំងខ្លួនជាបុត្រាពៅរបស់សម្តេចឪ
ថ្ងៃព្រហស្បត្ត៏ ទី១ ខែកញ្ញា ឆ្នាំ២០១១ ម៉ោង ១៨:២៦
ដោយ ៖ ប្រុសកោះ
កោះសន្តិភាព
ខេត្តកណ្តាល ៖ បុរសម្នាក់ដែលតាំងខ្លួនជាបុត្រាពៅរបស់សម្តេចព្រះនរោត្តម សីហនុ និងព្រះរាជអគ្គមហេសី នរោត្តម មុនិនាថ សីហនុ បានទៅចុះឈ្មោះបោះឆ្នោតនៅសាលាឃុំស្វាយរលំ ស្រុកស្អាង កាលពីព្រឹកថ្ងៃទី១ កញ្ញា។ ជននេះបានបង្ហាញសំបុត្របញ្ជាក់កំណើតដល់មេឃុំ តែមេឃុំសង្ស័យក្លែងក្លាយ ក៏ឱ្យប៉ូលិសរដ្ឋបាលស្វាយរលំឃាត់ខ្លួន។ ប៉ូលិសបានដកហូតសំបុត្របញ្ជាក់កំណើតជនសង្ស័យក្លែងក្លាយមួយ ដែលមាននាមត្រកូលនរោត្តម និងនាមខ្លួនសីហណា ថ្ងៃកំណើតថ្ងៃសុក្រ ទី៥ វិច្ឆិកា ឆ្នាំ១៩៨១ ខណ្ឌដង្កោ រាជធានីភ្នំពេញ ប្រទេសកម្ពុជា។ នាមត្រកូល និងនាមខ្លួនឪពុកនរោត្តម សីហុន ជនជាតិខ្មែរ កើតថ្ងៃចន្ទ ទី១០ មីនា ឆ្នាំ១៩១២ ទីកន្លែងកំណើតក្រុងភ្នំពេញ ខណ្ឌដង្កោ ប្រទេសកម្ពុជា នាមត្រកូល និងនាមខ្លួនម្តាយមុនិនាថ ជនជាតិបារាំង កើតថ្ងៃពុធទី៦ កញ្ញា ឆ្នាំ១៩៣៦ រដ្ឋស៊ូប៊ូយ៉ា ខណ្ឌកាប៊ីញ៉ា ប្រទេសបារាំង។
មន្ត្រីប៉ូលិសឱ្យដឹងថា នៅលើលិខិតបញ្ជាក់កំណើតនោះមានភាពមិនប្រក្រតីច្រើនដូចជា មិនមានបោះត្រា ឬចុះហត្ថលេខាពីមន្ត្រីអត្រានុកូលដ្ឋានទេ។ ក្រៅពីដកហូតសំបុត្របញ្ជាក់កំណើតក្លែងក្លាយនោះ សមត្ថកិច្ចដកហូតព្រះរាជសារមួយច្បាប់សង្ស័យក្លែងក្លាយដែល មានព្រះហស្តលេខារបស់សម្តេចព្រះនរោត្តម សីហនុ ។ នៅក្នុងព្រះរាជសារនោះផ្តាំផ្ញើដល់បុត្រាបុត្រីរបស់សម្តេច ព្រះនរោត្តម សីហនុ ទាំងអស់ឱ្យទទួលស្គាល់ឈ្មោះសីហណា ជាញាតិវង្ស និងផ្តាំផ្ញើឱ្យចេះសាមគ្គីគ្នា ស្រឡាញ់គ្នា និងផ្តាំផ្ញើដល់មន្ត្រីទាំងអស់ឱ្យទទួលស្គាល់ឈ្មោះសីហណានេះ ។ ព្រះរាជសារបញ្ជាក់ថា បុត្រាពៅឈ្មោះសីហណា ស្គាល់ទីតាំងកប់កំណប់នៅក្នុងព្រះបរមរាជវាំង ដែលអាចគាស់យកមកប្រើសម្រាប់កសាងប្រទេសឱ្យជឿនលឿន សំបូររុងរឿង ។ ចំណែកឯកសារមួយទៀត គឺជាផែនទីគូសដោយដៃ សរសេរថា ផែនទីក្នុងបរមរាជវាំង បង្ហាញពីទីតាំងផ្សេងៗជាច្រើនទៀត។
បុរសឈ្មោះសីហណា ដែលតាំងខ្លួនជាបុត្រាពៅរបស់សម្តេចព្រះនរោត្តម សីហនុ នោះត្រូវបានបញ្ជូនទៅកាន់អធិការដ្ឋានស្រុកស្អាងសាកសួរបន្តទៀត ។ បើតាមមន្ត្រីប៉ូលិសស្រុកស្អាងឱ្យដឹងថា ជននោះមានសតិមិនគ្រប់ គឺពេលសមត្ថកិច្ចសាកសួរគេឆ្លើយស្រេចតែចិត្តនឹកឃើញ ម្តងឆ្លើយបែបនេះ ម្តងបែបនោះ យកជាការមិនបានទេ សូម្បីតែទីលំនៅរបស់ខ្លួនសព្វថ្ងៃក៏មិនដឹងពិតប្រាកដ ដែរ ៕
0 komentar:
Post a Comment
Give Your Comment And We Will Response You With Happy. No Moderation Comment, just Do Folow ^_^