The women’s cry for help can only be heard when concerned governments do not look at this issue as just human trade.
Families from provinces were also present at the press conference seeking for their lost daughters.
Government Sub-decree passed on 17 July, 2011 empty on protection and promotion of human rights of domestic workers, abolition of forced labor and debt bondage. Very weak measures for prosecution and safe repatriation and social re-integration of the survivors.
----------- ស្ត្រីខ្មែរទៅធ្វើការនៅម៉ាឡេស៊ីភាគច្រើនរងគ្រោះដោយការយាយីផ្លូវភេទ
ដោយ ខែ សុណង
2011-08-25
មន្ត្រីបក្សប្រឆាំងនៅកម្ពុជា និងមន្ត្រីអង្គការក្រៅរដ្ឋាភិបាលនៅប្រទេសម៉ាឡេស៊ី បានបង្ហាញថា ថៅកែ ឬម្ចាស់ផ្ទះជាជនជាតិម៉ាឡេស៊ី ដែលជួលកម្មករខ្មែរធ្វើការបម្រើតាមផ្ទះ បានធ្វើបាបទាំងផ្លូវកាយ និងផ្លូវចិត្ត បំបិទសិទ្ធិសេរីភាព។
២៥-សីហា-២០១១៖ ពលករខ្មែរឈ្មោះ ស្រី ម៉ៅ ដែលត្រូវបានគេជួយសង្គ្រោះមកដល់មណ្ឌលស្ដារនីតិសម្បទា ថ្លែងតាមរយៈវីដេអូផ្សាយផ្ទាល់ពីប្រទេសម៉ាឡេស៊ី នៅទីស្នាក់ការគណបក្ស សម រង្ស៊ី នារាជធានីភ្នំពេញ។
ក្នុងចំណោមស្ត្រីខ្មែរចេញទៅធ្វើការបម្រើតាមផ្ទះនៅប្រទេសម៉ាឡេស៊ី មាននារីលើសពី ៥០% បានរងគ្រោះដោយកាយាយីផ្លូវភេទពីសំណាក់ថៅកែ ឬម្ចាស់ផ្ទះ និងមិនបានទទួលប្រាក់ឈ្នួល។
Click the control below to listen to the audio program in Khmer
ថ្លែងនៅក្នុងសន្និសីទកាសែតផ្សាយបន្តផ្ទាល់តាមវីដេអូ ឬហៅថា វីដេអូ ខនហ្វើរិន (Video Conference) ក្នុងទីស្នាក់ការគណបក្ស សម រង្ស៊ី នៅថ្ងៃទី២៥ ខែសីហា នាយិកាអង្គការ តេនាហ្គានីតា (Tenaganita) មានទីស្នាក់ការនៅទីក្រុងកូឡាឡាំពួរ ប្រទេសម៉ាឡេស៊ី លោកស្រី ស្រ៊ី ដារៀន (Srie Dharan) បានឲ្យដឹងថា ក្នុងឆ្នាំ២០១១នេះ លោកស្រីបានជួយសង្គ្រោះស្ត្រីខ្មែរចំនួន ៥៤នាក់រួចមកហើយដែលបានរងគ្រោះនៅប្រទេសនេះ។
លោកស្រីបន្តថា ស្ត្រីខ្មែរដែលទៅធ្វើការបម្រើតាមផ្ទះបានទទួលរងការបង្ខំទាំងផ្លូវចិត្ត និងផ្លូវកាយ បំបិទសិទ្ធិសេរីភាព ហើយត្រូវបានគេដកយកឯកសារសម្គាល់ខ្លួនផ្សេងៗ និងលិខិតឆ្លងដែនជាដើម។ ក្រៅពីនោះ ពួកគេធ្វើការពេញ១សប្ដាហ៍ ហើយមិនបានចុះកិច្ចសន្យាការងារនោះទេ។
ស្ត្រីពលករឈ្មោះ ស្រី ម៉ៅ អាយុ ២៧ឆ្នាំ មានស្រុកកំណើតនៅខេត្តកំពង់ស្ពឺ ដែលបានជួយសង្គ្រោះមកដល់មណ្ឌលស្ដារនីតិសម្បទា បានឲ្យដឹងតាមរយៈវីដេអូផ្សាយផ្ទាល់ពីប្រទេសម៉ាឡេស៊ី ថា នាងទៅធ្វើការនៅប្រទេសនេះចំនួន ៥ឆ្នាំហើយ ដែលនាងបានរងគ្រោះដោយម្ចាស់ផ្ទះវាយធ្វើបាប និងមិនបានទទួលប្រាក់ឈ្នួលសោះរហូតមកដល់ពេលនេះ។
អ្នកស្រី ម៉ម ប៉ិច ពលរដ្ឋនៅខេត្តក្រចេះ បានដាក់ពាក្យប្ដឹងក្រុមហ៊ុននាំពលករ ធី អេន ភី (T&P) ទៅអ្នកតំណាងរាស្ត្រគណបក្ស សម រង្ស៊ី បានថ្លែងថា កូនស្រីរបស់អ្នកស្រីបានបាត់ដំណឹងជាង ៣ឆ្នាំមកហើយនៅប្រទេសម៉ាឡេស៊ី ហើយក្រុមហ៊ុនបញ្ជូនពលករពុំមានការទទួលខុសត្រូវពីក្រុមហ៊ុននោះទេ។
ឆ្លើយតបបញ្ហានេះ លោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ មានប្រសាសន៍ថា កាលពីថ្ងៃទី១៧ ខែសីហា រដ្ឋាភិបាលទើបបានអនុម័តអនុក្រឹត្យស្ដីពីការគ្រប់គ្រងលើការបញ្ជូនពលករខ្មែរទៅធ្វើការនៅបរទេសតាមរយៈទីភ្នាក់ងារជ្រើសរើសឯកជន ជាចំណែកមួយក្នុងការលើកកម្ពស់សិទ្ធិពលករ។ ប៉ុន្តែលោកស្រីសុំឲ្យមានកិច្ចសហការល្អពីក្រុមសង្គមស៊ីវិល។
លោកស្រី មូរ សុខហួរ អ្នកតំណាងរាស្ត្រមណ្ឌលកំពត គណបក្ស សម រង្ស៊ី បានមានមតិថា អនុក្រឹត្យស្ដីពីការគ្រប់គ្រងលើការបញ្ជូនពលករខ្មែរទៅធ្វើការនៅបរទេសតាមរយៈទីភ្នាក់ងារជ្រើសរើសឯកជន ដែលរដ្ឋាភិបាលទើបបានអនុម័តកាលពីថ្ងៃទី១៧ ខែសីហា នោះ នៅមានភាពខ្វះចន្លោះចំណុចមួយចំនួន ដែលនៅក្នុងអនុក្រឹត្យនេះមិនបាននិយាយអំពីការផ្ដន្ទាទោសដល់ភាគីក្រុមហ៊ុននោះទេ។
លោកស្រី មូរ សុខហួរ បានសម្ដែងក្ដីបារម្ភចំពោះស្ត្រីខ្មែរប្រមាណ ៣ម៉ឺននាក់នៅឆ្នាំ២០១១នេះ បានចំណាកស្រុកទៅធ្វើការបម្រើតាមផ្ទះ។ ចំនួននេះក្រុមអង្គការសង្គមស៊ីវិលកំពុងមានកង្វល់ដែរ ថា ជាចំនួនដ៏ច្រើនដែលស្ត្រីខ្មែរចេញទៅទាំងប្រថុយប្រថាន និងតែងតែរងគ្រោះ៕
0 komentar:
Post a Comment
Give Your Comment And We Will Response You With Happy. No Moderation Comment, just Do Folow ^_^