ថ្ងៃទី 28-07-2011 ម៉ោង 08:53:31តារាចម្រៀងល្បីល្បាញរបស់ហុងកុងនាង Coco Lee ថ្មីៗនេះបានលាតត្រដាង អំពីគម្រោងរៀបអាពាហ៍ពិពាហ៍របស់ខ្លួនក្រោយពេលនាងភ្ជាប់ពាក្យជាមួយមិត្ដប្រុសអស់រយៈពេលជាច្រើនឆ្នាំកន្លងមក។
នៅក្នុងសន្និសីទកាសែតមួយតារាចម្រៀងស្រស់ស្អាតមានមន្ដស្នេហ៍និងទទួលបានប្រជាប្រិយភាពបំផុតតាមរយៈបទ “Before I fall in Love” បានរៀបរាប់អំពីភាពមមាញឹកយ៉ាងខ្លាំងក្នុងវិស័យសិល្បៈរបស់នាង។ លើសពីនេះ ទៅទៀត នាងនៅមិនភ្លេចបង្ហើបឱ្យអ្នកសារព័ត៌មាន ក៏ដូចជាការផ្ញើសារដល់ទស្សនិកជនដែលបាននិងកំពុងគាំទ្រនាងទាំងក្នុងស្រុកទាំងក្រៅស្រុកឱ្យដឹងថា ពេលនេះនាងកំពុងត្រៀមខ្លួនរៀបចំពិធីអាពាហ៍ពិពាហ៍របស់នាងជាមួយមិត្ដប្រុសដែលជាអ្នកជំនួញជនជាតិកាណាដា ឈ្មោះBruce Phillip Rockowitz អាយុ ៥២ឆ្នាំ ដែលនឹងប្រព្រឹត្ដទៅនៅចុងខែតុលានេះនាទីក្រុងហុងកុង។
គួរបញ្ជាក់ថា តារាចម្រៀងសម្រស់មិនចេះរីងស្ងួតវ័យ៣៦ឆ្នាំរូបនេះបានភ្ជាប់ពាក្យជាមួយលោកBruce Phillip Rockowitz ជាពាណិជ្ជករមានទ្រព្យស្ដុកស្ដម្ភជនជាតិកាណាដាតាំងពីឆ្នាំ ២០០៥មកម្ល៉េះ៕
0 komentar:
Post a Comment
Give Your Comment And We Will Response You With Happy. No Moderation Comment, just Do Folow ^_^