ថ្ងៃទី 28-07-2011 ម៉ោង 13:59:37
ជាងពាក់កណ្ដាលឆ្នាំ២០១១ ពិភពលោកទាំងមូលប្រឈមនឹងឧបសគ្គជាច្រើនបង្កឡើងដោយគ្រោះធម្មជាតិនៅគ្រប់ទិសទី
ប៉ះពាល់យ៉ាងខ្លាំងដល់ជីវភាពរស់នៅរបស់ពលរដ្ឋរាប់សិបលាននាក់។
បណ្ដាប្រទេសជាច្រើននៅលើពិភពលោកកំពុងអំពាវនាវឱ្យមានការជួយអន្ដរាគមន៍ពីសហគមន៍អន្ដរជាតិ ពិសេសការផ្ដល់ជំនួយមនុស្សធម៌ ស្បៀងអាហារនៅពេលដែលពលរដ្ឋ របស់ខ្លួនប្រឈមនឹងការអត់ឃ្លានស្ទើរតែដាច់ពោះស្លាប់ទៅហើយនោះ ។ មូលហេតុបណ្ដាលឱ្យមានគ្រោះអត់ឃ្លាន កើនច្រើននេះដោយសារតែគ្រោះធម្មជាតិញាំញីឥតឈប់ ខ្យល់ព្យុះ ទឹកជំនន់ រញ្ជួយដីជាដើម ។
នៅពេលនេះ អង្គការសហប្រជាជាតិ ក៏ដូចជាអង្គការស្បៀងអាហារពិភព លោកកំពុងអំពាវនាវឱ្យប្រទេសអភិវឌ្ឍ ផ្ដល់ជំនួយស្បៀងអាហារនិងទឹកប្រាក់ជា បន្ទាន់សម្រាប់ជួយដល់ពលរដ្ឋដែលអត់ ឃ្លាននៅជុំវិញពិភពលោក ពិសេស តំបន់អាហ្វ្រិកដែលរងគ្រោះរាំងស្ងួត យ៉ាងធ្ងន់ ធ្វើឱ្យពលរដ្ឋដែលអាស្រ័យទៅ លើរបរកសិកម្មមិនអាចប្រកបរបរបាននោះ ។
គ្រាន់តែនៅក្នុងខែកក្កដា មានគ្រោះ រាំងស្ងួត គ្រោះទឹកជំនន់ ខ្យល់ព្យុះជាច្រើនបានកើតឡើងស្ទើរគ្រប់ទិសទីបំផ្លាញទាំងទ្រព្យសម្បត្ដិ ទាំងអាយុជីវិត រាប់រយនាក់ ដូចជាកម្ដៅកើនឡើងនៅ អាមេរិក ខ្យល់ព្យុះនៅហ្វីលីពីន ភ្លៀង ធ្លាក់ខ្លាំងបង្កជាទឹកជំនន់នៅកូរ៉េជាដើម។
ប្រទេសដែលធ្លាប់រងគ្រោះដោយ សារគ្រោះធម្មជាតិយ៉ាងធ្ងន់បំផុតនៅ ក្នុងប្រទេសប៉ាគីស្ថានក៏នឹងប្រឈមនូវ គ្រោះធម្មជាតិធ្ងន់ជាងមុន ធ្វើឱ្យអង្គការ សហប្រជាជាតិត្រូវត្រៀមលក្ខណៈទប់ ស្កាត់នៅពេលហេតុការណ៍អាក្រក់មិន ទាន់កើតឡើងដល់ ។
អង្គការសហប្រជាជាតិបានប្រកាសឱ្យដឹងថា មានពលរដ្ឋជាង២លាននាក់ ដែលកំពុងរស់នៅក្នុងប្រទេសប៉ាគីស្ថាន អាចប្រឈមនឹងគ្រោះទឹកជំនន់យ៉ាងធ្ងន់ ដោយសារតែប្រទេសនេះខ្វះមូលនិធិ សម្រាប់អភិវឌ្ឍតំបន់ដែលរងគ្រោះ ដោយទឹកជំនន់កាលពីឆ្នាំ២០១០ ។
តាមការិយាល័យសហប្រតិបត្ដិការ មនុស្សធម៌របស់អង្គការសហប្រជាជាតិ (OCHA)បានបញ្ជាក់ថា “ត្រូវតែខិតខំ ចាប់តាំងពីពេលនេះទៅដើម្បីកាត់បន្ថយផលប៉ះពាល់ដល់គ្រួសារជាច្រើននៅក្នុងប្រទេសប៉ាគីស្ថាន ក៏ដូចជាជួសជុលឡើងវិញនូវប្រព័ន្ធបង្ហូរទឹកប្រឡាយ ហេដ្ឋារចនាសម្ព័ន្ធផ្សេងៗសម្រាប់ទប់ ស្កាត់គ្រោះទឹកជំនន់” ។ ទន្ទឹមនឹងនោះ OCHAក៏បានប្រកាសផងដែរថា វិធី សាស្ដ្រការពារចាំបាច់ត្រូវតែធ្វើឡើងជា បន្ទាន់ដូចជាត្រៀមប៉ាតង់ជួសជុលផ្លូវ ក៏ ដូចជាសហការជាមួយមន្ដ្រីក្នុងតំបន់ ដើម្បីជម្លៀសប្រជាពលរដ្ឋពេលដែល ជួបគ្រោះទឹកជំនន់ ។
អង្គការសហប្រជាជាតិក៏បានប្រកាស ផងដែរថា ពេលនេះត្រូវការទឹកប្រាក់ ៦០០លានដុល្លារដើម្បីអភិវឌ្ឍហេដ្ឋា រចនាសម្ព័ន្ធដើម្បីកាត់បន្ថយផលប៉ះ ពាល់ដោយគ្រោះទឹកជំនន់ ។ ទន្ទឹមនឹង នោះក៏ត្រៀមស្បៀងអាហារសម្រាប់ផ្ដល់ ជំនួយដល់ពលរដ្ឋប៉ាគីស្ថាន ។
តាមអង្គការសហប្រជាជាតិ ភ្លៀង ធ្លាក់ខ្លាំងបង្កជាទឹកជំនន់កាលពីឆ្នាំ ២០១០បានជះឥទ្ធិពលយ៉ាងខ្លាំងដល់ការ រស់នៅរបស់ពលរដ្ឋជាង២២លាននាក់ ក្នុងនោះមានពលរដ្ឋពី៨-១២លាននាក់ ត្រូវការជំនួយស្បៀងអាហារជាបន្ទាន់ ។
គ្រោះទឹកជំនន់ដ៏ធ្ងន់បំផុតនៅក្នុង ប្រទេសប៉ាគីស្ថានមិនធ្លាប់មានជាច្រើន ទសវត្សកន្លងមកបានបំផ្លាញផ្ទះសម្បែង រាប់ពាន់ខ្នង បំផ្លាញស្ពាន ផ្លូវ ផលដំណាំ សត្វចិញ្ចឹម ។ គ្រោះទឹកជំនន់កាលពីឆ្នាំ ២០១០ ធ្វើឱ្យពលរដ្ឋប៉ាគីស្ថានជិត២ ពាន់នាក់បាត់បង់ជីវិត ។
នៅពេលនេះ ប្រទេសជាច្រើនកំពុង ចាត់វិធានការទប់ស្កាត់គ្រោះទឹកជំនន់ ដែលអាចនឹងកើតមានឡើងនៅក្នុង ប្រទេសរបស់ខ្លួន ដោយពេលនេះមាន គ្រោះទឹកជំនន់បានកើតឡើងជាច្រើននៅ ជុំវិញពិភពលោក សម្លាប់មនុស្សរាប់ ពាន់នាក់ជុំវិញពិភពលោក ។
អ.ស.ប.កោះប្រជុំជាបន្ទាន់ពីគ្រោះ អត់ឃ្លាននៅទ្វីបអាហ្វ្រិក
អង្គការសហប្រជាជាតិបានកោះប្រជុំជាបន្ទាន់មួយនៅទីក្រុងរូមប្រទេសអ៊ីតាលី ដើម្បីអំពាវនាវឱ្យក្រុមជំនួយអន្ដរជាតិផ្ដល់ជំនួយនូវទឹកប្រាក់រាប់សិបលាន ដុល្លារសម្រាប់ពលរដ្ឋនៅតំបន់ទ្វីប អាហ្វ្រិកដែលកំពុងប្រឈមនឹងគ្រោះអត់ ឃ្លានយ៉ាងធ្ងន់ ។
ធនាគារពិភពលោកបានសន្យាផ្ដល់ ជំនួយនូវទឹកប្រាក់៥០០លានដុល្លារ ក្នុងនោះ១២លានសម្រាប់ផ្ដល់ជាបន្ទាន់ដល់ តំបន់ដែលរងគ្រោះធ្ងន់ជាងគេបំផុត ចំណែកទឹកប្រាក់ផ្សេងទៀតនឹងផ្ដល់ទៅ តាមគម្រោងផ្សេងៗមានរយៈពេលយូរ សម្រាប់ជួយដល់ប្រជាជនទ្វីបអាហ្វ្រិក។
រដ្ឋមន្ដ្រីក្រសួងកសិកម្ម ឧស្សាហកម្ម របស់បណ្ដាប្រទេសជាសមាជិកអង្គការ សហប្រជាជាតិនិងអង្គការស្បៀងអាហារ និងកសិកម្មពិភពលោក(FAO)បានជួប ប្រជុំជាបន្ទាន់មួយស្វែងរកជំនួយពីសហ គមន៍អន្ដរជាតិជួយដល់តំបន់ដែលរង គ្រោះរាំងស្ងួតធ្ងន់ជាងគេបំផុតរយៈពេល ៦០ឆ្នាំកន្លងមកនៅតំបន់ទ្វីបអាហ្វ្រិក ។ មានប្រសាសន៍នៅក្នុងកិច្ចប្រជុំនោះ អគ្គនាយកFAO លោកJacques Diouf បានបញ្ជាក់ថា គ្រោះអត់ឃ្លានកំពុងរាល ដាលនៅបណ្ដាប្រទេសទ្វីបអាហ្វ្រិកបាន ក្លាយទៅជាគ្រោះអត់ឃ្លានដ៏ធ្ងន់ជាងគេ បំផុតនៅលើពិភពលោកនាពេលបច្ចុប្បន្ន ហើយអង្គការមនុស្សធម៌គ្មានសមត្ថភាព សម្រាប់ផ្គត់ផ្គង់ដល់ពួកគេឡើយ។ ទន្ទឹម នឹងនោះFAOក៏បានអំពាវនាវដល់សហ គមន៍អន្ដរជាតិឱ្យផ្ដល់ជំនួយជាបន្ទាន់ ជួយដល់មនុស្សរាប់លាននាក់នៅទ្វីប អាហ្វ្រិក ។
តាមប្រសាសន៍របស់លោកDiouf ក្នុងរយៈពេលមួយឆ្នាំខាងមុខនេះតំបន់អាហ្វ្រិកត្រូវការជំនួយជាទឹកប្រាក់ប្រមាណ១,៦ពាន់លានដុល្លារ ដើម្បីកែ ប្រែគ្រោះអត់ឃ្លាន ។
តាមការប៉ាន់ប្រមាណ ចំនួនជនរង គ្រោះនៅក្នុងគ្រោះអត់ឃ្លាននោះកើន ដល់១១លាននាក់នៅតាមបណ្ដាប្រទេស ដូចជាសូម៉ាលី អេត្យូពី និងកេនយ៉ា ។ តាមកម្មវិធីស្បៀងអាហារពិភពលោក សង្គ្រាមស៊ីវិលនៅសូម៉ាលី ជាមួយនឹង ស្ថានភាពគ្រោះរាំងស្ងួតយ៉ាងធ្ងន់ ធ្វើឱ្យ តម្លៃស្បៀងអាហារកើនខ្ពស់រហូតដល់ ២៤០ភាគរយក្នុងឆ្នាំកន្លងមក ។
កង្វល់ដ៏ធំបំផុតរបស់អង្គការសហ ប្រជាជាតិនិងអង្គការផ្ដល់ជំនួយមនុស្ស ធម៌នានាកាន់តែព្រួយបារម្ភនោះ គឺប្រទេសអភិវឌ្ឍធ្វើព្រងើយ បែរខ្នង ចំពោះគ្រោះអត់ឃ្លានដែលកំពុងតែរីក រាលដាលនៅជុំវិញពិភពលោកនោះ ។ ប្រសិនបើគ្មានវិធានការទប់ស្កាត់ទេ នោះ គ្រោះធម្មជាតិនឹងសម្លាប់មនុស្ស រាប់សិបលាននាក់ក្នុងមួយឆ្នាំៗភាគច្រើនដោយសារតែគ្រោះអត់ឃ្លាន ៕
0 komentar:
Post a Comment
Give Your Comment And We Will Response You With Happy. No Moderation Comment, just Do Folow ^_^