ថ្ងៃទី 17-08-2011 ម៉ោង 08:39:58
ខេត្ដបន្ទាយមានជ័យ ៖ ស្ដ្រីវ័យ ចំណាស់ម្នាក់ត្រូវក្រុមអន្ធពាល៣ នាក់រំលោភយ៉ាងព្រៃផ្សៃហើយ មុនពួក គេរំលោភម្ដងម្នាក់ៗនោះ គឺជនអន្ធពាល បានវាយស្ដ្រីរងគ្រោះឱ្យសន្លប់រួចទើប ធ្វើសកម្មភាពម្ដងម្នាក់ៗជាក្រោយ ។
ហេតុការណ៍ដ៏ព្រៃផ្សៃនេះបានកើត ឡើងកាលពីអធ្រាត្រថ្ងៃទី១៤ ខែសីហា វេលាម៉ោង៣ទៀបភ្លឺ នៅចំណុចហាង ស្រាផ្ដិលមួយ ស្ថិតក្នុងភូមិគីឡូម៉ែត្រ លេខ៤ សង្កាត់ក្រុងប៉ោយប៉ែត ខេត្ដ បន្ទាយមានជ័យ ។
ក្រោមការជ្រោមជ្រែងពីអង្គការ CWCC ស្ដ្រីរងគ្រោះត្រូវបាននាំមកប្ដឹង សមត្ថកិច្ចនគរបាលកាលពីថ្ងៃទី១៥ ខែ សីហា ក្នុងប្រយោជន៍ដើម្បីឈានដល់ ការឃាត់ខ្លួនជនអន្ធពាល ដែលបាន រំលោភទៅលើស្ដ្រីរងគ្រោះនោះ ។
បន្ទាប់ពីប្ដឹងសមត្ថកិច្ចនៅល្ងាចថ្ងៃទី ១៥ សីហា ជនសង្ស័យម្នាក់ត្រូវឃាត់ខ្លួន និង២នាក់ទៀតបានរត់គេចខ្លួន ហើយ សមត្ថកិច្ចកំពុងស្វែងរកចាប់ខ្លួនបន្ដទៀត ។
ប្រភពបានឱ្យដឹងថា ស្ដ្រីរងគ្រោះឈ្មោះ វុធ វាន់ថា អាយុ៤០ឆ្នាំ ជាស្ដ្រីមេម៉ាយ កូន៥ រស់នៅស្រុកថ្មគោល ខេត្ដបាត់ ដំបង គាត់មកកាន់ក្រុងប៉ោយប៉ែត ដើម្បី ស្វែងរកការងារធ្វើខាងលើ ។
មន្ដ្រីនគរបាលបានឱ្យដឹងថា ជនសង្ស័យ ដែលបានចាប់ខ្លួនមានឈ្មោះខេង ថា អាយុ២៥ឆ្នាំ មានអសយដ្ឋាននៅភូមិ កើតហេតុខាងលើ ហើយបើតាមចម្លើយ ជនត្រូវចាប់ខ្លួនបានឱ្យដឹងថា គ្នាគេ២ នាក់ទៀតមានឈ្មោះក្អា និងម្នាក់ទៀត ឈ្មោះ វិត ។
លោកអ៊ំ សុផល អធិការនគរបាល ក្រុងប៉ោយប៉ែតបានឱ្យដឹងថា ជនជាប់ សង្ស័យបានចាប់ខ្លួនក្រោយពីបណ្ដឹង របស់ស្ដ្រីរងគ្រោះជនសង្ស័យត្រូវបាន ចាប់ខ្លួនផងដែរ ។
ស្ដ្រីមេម៉ាយដែលត្រូវក្រុមអន្ធពាល វាយឱ្យសន្លប់រួចយកទៅរំលោភនោះបាន ឱ្យដឹងថា ក្នុងយប់កើតហេតុ គាត់បាន ដើរទៅហាងលក់ស្រាផ្ដិល២នាក់ស្ដ្រីម្នាក់ ទៀត ហើយពេលទៅដល់ហាងលក់ស្រា គាត់ក៏បានឃើញយុវជន៣នាក់កំពុង អង្គុយផឹកស្រានៅទីនោះ ។ ពេលនោះពួក គេបានសុំបារីពីគាត់ជក់ ហើយពេលយក បារីទៅជក់ ពួកវាក៏បានចាប់បីគាត់យក ទៅព្រែកស្មៅខាងក្រោយហាង បម្រុង រំលោភ ប៉ុន្ដែគាត់បានប្រាប់ពួកវាថា កុំរំលោភគាត់អី ព្រោះគាត់កើតអេដស៍ ។ ទោះបីជាគាត់បានប្រាប់បែបនេះក៏ដោយ ក៏ពួកវានៅតែបង្ខំចាប់រំលោភដដែល ជាមួយនោះគាត់ខំរើបម្រះពួកគេបាន វាយគាត់ឱ្យសន្លប់នៅខណៈនោះតែម្ដង ។
ស្ដ្រីរងគ្រោះបានបន្ដទៀតថា ក្រោយ ពីគាត់ដឹងខ្លួនឡើងវិញ គាត់មានការឈឺ ចាប់យ៉ាងខ្លាំងផងដែរ ។
មន្ដ្រីនគរបាលបានឱ្យដឹងថា ជនជាប់ សង្ស័យដែលបានចាប់ខ្លួនត្រូវបញ្ជូន ទៅសាលាដំបូងខេត្ដបន្ទាយមានជ័យ ស្របពេលដែលជនសង្ស័យ២នាក់ទៀត កំពុងតែស្វែងរកចាប់ខ្លួននៅឡើយ៕
0 komentar:
Post a Comment
Give Your Comment And We Will Response You With Happy. No Moderation Comment, just Do Folow ^_^